Фотакаляндар «Гэта — МЫ» хутка выйдзе з друку. У ім будзе 12 здымкаў з беларускімі сюжэтамі і традыцыйнымі строямі. Героі здымкаў - гродзенцы і гродзенкі, што вызваліся па-валанцёрску падтрымаць праект. Вокладка ў каляндара — маляваная. Яе стварыла дызайнерка Марыя Кудынюк, натхніўшыся гравюрай 1600 года Томаша Макоўскага.
Атрымаць каляндар можна ў рэдакцыі ці ў Сяргея Марозава за данат.
Першы раз Марыя напісала Марозаву, калі той абвесціў, што будзе рабіць фотакаляндар і запрашаў ахвотных паўдзельнічаць.
«У апошні час мяне цікавіць наша гісторыя і культура. Мне падабаюцца традыцыі мінулага і беларускія вобразы, што адлюстроўваюць гісторыю», — гаворыць Марыя. Аднак аказалася, што мадэлі на ўсе 12 сюжэтаў ужо абраныя. Для Марыі месца не засталося.
Але ўсё змянілася, калі фатограф паглядзеў як старонку ў Instagram. Так з’явілася ідэя зрабіць вокладку для фотакаляндара маляванай.
Марыя Кудынюк — дызайнерка, аўтарка вокладкі календара «Гэта — МЫ!»
Нарадзілася і вырасла ў Брэсце. Пачала маляваць, калі навучылася трымаць аловак у руцэ. Скончыла дзіцячую мастацкую школу, у 2018 паступіла ў ГрДУ на факультэт мастацтваў і дызайну.
«Вельмі ўзрадавалася прапове намаляваць вокладку. Гэта было вельмі цікава, бо я ніколі не ўдзельнічала ў такім праекце. Канешне, я крыху хвалявалася, бо вельмі адказная праца, і хацелася, каб усё атрымалася добра».
За крыніцу для натхнення мастачка ўзяла гравюру Томаша Макоўскага 1600 года з выявай Гродна ды гістарычныя сімвалы Беларусі.
Малюнак павінен быў аб’яднаць буслоў і вясковы матывы, лятучых вершнікаў і людзей ў традыцыйных строях, гродзенскія краявіды і сувязь часоў.
«Я арыентавалася на сярэднявечныя гравюры беларускіх гарадоў. Нешта падобнае захацелася зрабіць. Трэба было прадумаць шмат дробных дэталяў».
«Праца гэта нялёгкая, карпатлівая, але я малявала з задавальненнем і вялікім натхненнем. Самой было цікава, што атрымаецца».
Получить товары из-за границы должна была религиозная миссия Благотворительного католического общества “Каритас” Гродненской епархии. Пограничники…
На улице 17 сентября, 59/3 можно приобрести квартиру в полностью отреставрированном здании 1925 года постройки.…
В Гродно начался рост цен за аренду квартир на майские праздники. Это связывают с потоком…
В микрорайоне “Зарица-1" планируют построить блокированные жилые дома. Участок выставили на аукцион, сообщил Гродненский центр…
Гродненец летом 2020 года пожаловался на вызовы местного КГБ с расспросами о его учебе за…
Сотрудник “Радиоволны” в Гродно Александр Каяло пожаловался в КГБ на то, что не смог оставить…