Чэмпіёнка XVIII Алімпіяды ў Токіа па спартыўнай гімнастыцы Алена Валчэцкая і галоўны трэнер Гродзенскага хакейнага клуба "Рытм" Ніна Дашко. Фота Уладзімір Шчаглоў, Белта
17 спартоўцаў і 8 трэнераў з Гродзеншчыны, якія добра выступілі на міжнароднай арэне ў 2020 годзе, 18 студзеня атрымалі ўзнагароды. На сустрэчы ў аблвыканкаме спартоўцы агучылі прапановы, а кіраўнік вобласці Уладзімір Каранік адказаў на пытанні са сферы спорту.
Адна з прапановаў, агучаных на сустрэчы, тычылася Дома афіцэраў. У ім прапанавалі стварыць Дом барацьбы. Старшыня аблвыканкама паабяцаў разглядзець гэтае пытанне.
Чытайце таксама: Дом афіцэраў у Гродне не змаглі прадаць 14 разоў: што адпужвае інвестараў?
Непакоіла спартсменаў адсутнасць месца для трэніровак у каманды па індор-хакеі, недахоп пляцовак для заняткаў хакеем на траве і тэнісам. Па-ранейшаму адкрытым застаецца пытанне з пляцоўкай для кідання молата.
Уздамалася пытанне коннага спорту. Уладзімір Каранік аднёс гэты напрамак да нерэнтабельных, пытанне аднаўлення якога не разглядаецца. Але паабяцаў азнаёміцца з прычынамі закрыцця конна-спартыўнай школы ў Гродзенскім раёне.
Чытайце таксама: Выдаткі выраслі ў некалькі разоў: як даюць сабе рады гродзенцы пасля закрыцця конна-спартыўных школ
Уладзімір Каранік пацвердзіў, што сёлета пачнецца праектаванне Цэнтра гульнявых відаў спорту. Гэты праект анансавалі ў Гродне вясной мінулага года. Зараз ужо вызначаны крыніцы фінансавання ды ідзе абмеркаванне месца будоўлі.
На сустрэчы кіраўніку вобласці ўручылі персанальную статуэтку-ўзнагароду ад гродзенскіх спартсменаў. Яе ўручыў трэнер па грэка-рымскай барацьбе Вячаслаў Максімовіч. «Вы, з’яўляючыся міністрам аховы здароўя, выйшлі ў натоўп разгневаных, неадэкватных, агрэсіўна настроеных і - смела вытрымалі такі націск», — сказаў Максімовіч.
Каранік адказаў жартам. Маўляў, ён там быў «самы вялікі і менш за ўсіх рызыкаваў».
Заслужаны майстар спорту Андрэй Барбашынскі ў сваім выступлення падзякаваў за падтрымку спорта прэзідэнту: «Нас аб’ядноўвае спорт і музыка».
Апроч тых, хто летась абараняў гонар Гродзеншчыны на спартыўных пляцоўках, падзяку атрымала адна з самых вядомых гродзенскіх ветэранаў спорту — Алена Валчэцкая, першая алімпійская чэмпіёнка з Беларусі па спартыўнай гімнастыцы.
Яна пажадала ўсім спартсменам поспехаў са словамі: «Вы робіце свой унёсак у тое, што Беларусь жыве».
Новый сувенир в виде «раскладушки» со знаковыми объектами Гродно создают власти. Его выполнят в виде…
Несколько сотен Дедов Морозов, Снегурочек, собачек, белочек и всевозможных других персонажей 20 декабря прошли от…
Трехкомнатная квартира находится на улице Советских Пограничников. Стены в ней увешаны репродукциями, дверные проемы выполнены…
Специальное программное обеспечение для слежки за активностью в компьютерах закупает Гродненское агентство по государственной регистрации…
В Гродно реконструируют территорию, прилегающей к водоему по ул.Репина. Там же обустроят детскую инклюзивную площадку.…
В Гродно открылась выставка, посвященная местному художнику Льву Баксту. Экспозиция разместилась в Хоральной синагоге, организаторами…