Мяжа з Польшчай. Фота: PAP
Вяртання да найлепшых гадоў гродзенскага бязвізу, калі ў горадзе не хапала парковак для дзясяткаў турыстычных аўтобусаў з Польшчы і Літвы, не будзе. Новым бязвізавым рэжымам скарыстаюцца тыя, хто даўно не бачыў сваякоў у Беларусі, аматары таннага бензіну, алкаголю і цыгарэт ды рэдкія турысты-экстрэмалы.
Пра тое, што Гродна дасць (або не) бязвізавы ўезд для грамадзян Польшчы, абвешчаны з 1 ліпеня, ішла размова ў другім выпуску падкаста «Жыхары мяжы». Гасцем падкаста быў Раман Банцар, які ў 2016−2020 гадах паспяхова прывозіў у Гродна Праслухайце выпуск цалкам тут або на іншай зручнай платформе.
Каля няма часу слухаць, пад плэерам — асноўныя тэзісы размовы ў тэкставым фармаце.
Раман Банцар лічыць, што перадусім палякі паедуць у Беларусь па таннае паліва. У Польшчы бензін каштуе ўжо каля 8 злотых (прыкладна 1,7 еўра), у Беларусі - 2,46−2,60 рублі (каля 0,92−0,97 еўра). Розніца — у два разы.
Па паліва паедуць людзі, для якіх не галоўнае «Міцкевіч, экскурсіі, кавярні», а «чарка і шкварка». Такія людзі гатовыя і дзень прастаяць у чарзе на мяжы, але з’ездзіць з выгадай і зарабіць умоўныя 50 еўра.
Да 2020 года па бязвізу прыязджалі розныя travel-блогеры і ютуберы, якія рэкламавалі пазней Беларусь у інтэрнэце. Зараз, хоць і з вясны прыехаць у Беларусь не праблема, яны не едуць.
Ранейшы бязвіз быў абмежаваны Гродзенскай і Брэсцкай абласцямі. Цяпер без ніякіх фармальнасцей грамадзяне Польшчы, часта ў мінулым мігранты з Беларусі, і іх сем'і змогуць паехаць да сваякоў у больш далёкія гарады, такія як Віцебск ці Гомель. Пра гэта сведчаць і ранейшыя дадзеныя: у красавіку-траўні 2022 года тыя нешматлікія «турысты» з Польшчы, што наведвалі Беларусь, ехалі перадусім да сваякоў. Такія людзі не карыстаюцца турыстычнымі паслугамі і інфраструктурай, таму гродзенскі бізнес атрымае ад іх няшмат.
Да таго ж зараз для бязвізавых турыстаў адкрываецца Мінск, у якім многія турысты раней былі зацікаўленыя. Гэта для палякаў, у адрозненне ад Гродна, невядомая тэрыторыя. Тым больш сталіца — заўсёды цікавае месца для сапраўдных турыстаў.
Многія турысты зараз цікавяцца, ці Беларусь у прынцыпе бяспечная краіна і ці не страшна сюды ехаць. Бо гэта нібыта мірная краіна, але з нашай тэрыторыі ляцяць ракеты. Палякі гэта добра ўсведамляюць. І многія, разважаючы, выберуць іншую краіну, не ўцягнутую ў вайну. Бо раптам сюды прыляціць ракета з Украіны?
Людзі ўкладваюць грошы ў нешта з перспектывай не на дзень-два, а на гады. Для такіх укладанняў патрэбна стабільнасць і прадказальнасць. Укладанне сёння ў турызм у Гродне гэта «руская рулетка» і вялікае рызыка страціць усё.
Пункты пропуску могуць літаральна «лопнуць», але не з-за вялікай колькасці жадаючых патрапіць у Беларусь. Цалкам магчыма, што польскія памежныя і мытныя службы будуць устаўляць палкі ў колы сваім грамадзянам, каб адбіваць ім жаданне ездзіць у Беларусь. З-за гэтага будуць пакутваць усе іншыя падарожныя, бо час чакання на мяжы яшчэ больш павялічыцца.
Новый сувенир в виде «раскладушки» со знаковыми объектами Гродно создают власти. Его выполнят в виде…
Несколько сотен Дедов Морозов, Снегурочек, собачек, белочек и всевозможных других персонажей 20 декабря прошли от…
Трехкомнатная квартира находится на улице Советских Пограничников. Стены в ней увешаны репродукциями, дверные проемы выполнены…
Специальное программное обеспечение для слежки за активностью в компьютерах закупает Гродненское агентство по государственной регистрации…
В Гродно реконструируют территорию, прилегающей к водоему по ул.Репина. Там же обустроят детскую инклюзивную площадку.…
В Гродно открылась выставка, посвященная местному художнику Льву Баксту. Экспозиция разместилась в Хоральной синагоге, организаторами…