Кадр з фільма "Orlęta. Grodno '39". Крыніца: film.wp.pl
У верасні 2022 у польскіх кінатэатрах выйшаў фільм Кшыштафа Лукасевіча «Orlęta. Grodno ‘39». Яго шырока разрэкламавалі як першы ў гісторыі фільм пра савецкую агрэсію супраць міжваеннай Польшчы. Аднак у самой Польшчы ён спадабаўся не ўсім, а прагляды ў кінатэатрах у першы тыдзень не парадавалі стваральнікаў. У снежні адзін з дэпутатаў Сейма паспрабаваў даведацца, колькі каштаваў правальны фільм. Пра гэта піша канал пра гісторыю Hrodna 11:27.
Фільм «Orlęta. Grodno ‘39» гэта гісторыя некалькіх дзён у верасні 1939 года, калі жыхары Гродна змагаліся з наступаючай Чырвонай арміяй, расказаная з пункту гледжання 12-гадовага школьніка. Фільм здымалі ў 2020 годзе ў польскім горадзе Радам. Стваральнікі стужкі пастараліся зрабіць яго вуліцы максімальна падобнымі да Гродна. У фільме ў масоўцы здымаўся таксама былы журналіст Hrodna.life Руслан Кулевіч і яго жонка Таццяна.
Незадаволеныя стужкай аказаліся перадусім польскія правыя і нацыяналісты. Ім фільм, які задумваўся як патрыятычны, падаўся цалкам супрацьлеглым. Маўляў, атрымалася гісторыя пра польскіх антысемітаў, якія пераследуюць малога яўрэя. Яны ж цытуюць кінакрытыка Томаша Рачка, які сцвярджае, што гэта фільм узроўню тэлеспектакляў.
«Няўдалы сцэнарый, прымітыўная рэжысёрская праца. Патрыятычнападобны прадукт», — кажа Рачак. «Чарговы пластылінавы гістарычны фільм», — піша незадаволены крытык Мілаш Стэльмах, які даў стужцы 4 з 10 зорачак. «Прыстойна рэалізаваны і з выдатным героем, але апавяданне хаатычнае», — сцвярджае Каміль Кальбарчык з часопіса Ekrany.
Кіно таксама не зацікавіла масавага гледача. У першы ўікэнд паказаў стужку паглядзела толькі 22,2 тыс. чалавек па ўсёй Польшчы, а значную частку з іх складалі школьныя групы. Канчатковы вынік — фільм паглядзела больш за 250 тыс. чалавек і ён чатыры тыдні быў у дзясятцы папулярных стужак. У той жа час два іншыя польскія фільмы, біяграфічныя «Johnny» і «Ania», мелі значна большы поспех і хутчэй сабралі ўдвая большую касу кожны.
У пачатку снежня дэпутат адной з правых партый польскага Сейма Міхал Урбаняк паспрабаваў даведацца, колькі грошай каштаваў бюджэту правальны фільм. Неўзабаве стала вядома, што на стварэнне фільма польская грамадска тэлевізія TVP вылучыла 6 млн злотых (1,28 млн еўра) — і гэта толькі частка бюджэта. Аднак рэцэнзенты ад пачатку звярнулі ўвагу, што бюджэт занадта малы для такой складанай тэмы.
Многочасовые очереди, перфоратор и два окошка на регистрацию. Девушка сходила в Гродненское агентство по государственной…
Предприятие “Гродно Азот” 12 февраля в Telegram-канале анонсировало конкурс ко Дню родного языка. К самому…
Политзаключенный из Гродно Кирилл Кетурко покончил с собой в Центре содержания под стражей в Варшаве-Служевце…
Бывшему сенатору и директору «Красносельскстройматериалы» Владимиру Киселеву грозит до трех лет колонии за разглашение служебной…
"Молочный мир" обязали сменить название для серии глазированных сырков. После чьей-то жалобы в Министерство антимонопольного…
На Гагарина, 25 в Гродно продается двухкомнатная квартира с отлично сохраненным постсоветским интерьером. Дом, в…