«За першы дзень — 300 чалавек». Пункт абагрэву Чырвонага крыжа пачаў працу ў Гродне

Валанцёры Чырвонага крыжа выйшлі на вуліцу 17 студзеня, каб дапамагчы гродзенцам не замерзнуць у маразы. На аўтавакзале ўсталявалі свой чырвоны намёт. Там любы ахвотны можа атрымаць гарачы чай і, пры неабходнасці, медыцынскую дапамогу.

Валанцёры падыходзяць да людзей і прапануюць сагрэцца. Некаторыя мінакі саромеюцца і адмаўляюцца. Іншыя самі падыходзяць, каб запытаць, што тут адбываецца.

— Ці чулі вы пра акцыю ад чырвонага крыжа?

— Не, нічога не ведала. Проста вяртаюся дадому і ўбачыла, што тут можна трошкі сагрэцца. Вельмі карысная акцыя. Дзякуй арганізатарам.

Гарбатай напояць усіх

Чырвоны намёт размясціўся на пляцоўцы паміж аўтавакзалам і Скідзельскім рынкам. Падыходзілі людзі, якія толькі што прыехалі ў Гродна, тыя, хто вяртаўся з рынку, і проста мінакі.

Кропка абагрэву працавала з 10 да 16 гадзін. Па словах рэгіянальнага каардынатара праграм Чырвонага крыжа Валерыя Краеўскага, за гэты час валанцёры абагрэлі больш за 300 чалавек. На прыгатаванне гарбаты спатрэбілася каля 60 літраў вады.

Акцыя скіравана ў тым ліку на людзей без пэўнага месца жыхарства. Акрамя гарбаты, тут прапануюць вермішэль хуткага прыгатавання, каб падхарчавацца.

Некаторыя з тых, хто падыходзіў да намёта, здзіўляліся падтрымцы.

Барыс у Гродна праездам. Ён накіроўваўся ў Мінск і чакаў на вакзале свой аўтобус, калі выпадкова пабачыў намёт.

«Я нават не ведаў, што такое можа быць. Я сам з вёскі. Каб яны [аднавяскоўцы — рэд.] такое пабачылі, не паверылі бы сваім вачам. У мяне ёсць асабістая заява: калі ласка, калі будзе магчымасць, прыязджайце з такой ініцыятывай таксама ў вёскі».

Выпадкаў с неабходнасцю медычнай дапамогі ў першы дзень працы не было. Дзмітрый Лапкоўскі, адзін з супрацоўнікаў, што працаваў 17 студзеня, распавёў, што дапамаглі абагрэцца дзяўчыне, якая шмат часу правяла на марозе — доўга чакала свой аўтобус. Паўгадзіны дзяўчына правяла ў намёце Чырвонага крыжа каля цеплавой пушкі.

Паводле яго словаў, некаторыя яшчэ саромеюцца падыходзіць па гарбату, а іншыя прыходзілі па 2−3 разы. Некалькі разоў гродзенцы прасілі перадаць гарачы чай чалавеку, што жабраваў у падземным пераходзе.

Валанцёры на варце цяпла

Разам з супрацоўнікамі Чырвонага крыжа працуюць валанцёры. У нядзелю працавалі 6 валанцёраў і 4 штатных супрацоўніка. Кожныя 2 гадзіны яны змяняліся.

Усе валанцёры папярэдне прайшлі падрыхтоўку па аказанні першай дапамогі, псіха-сацыяльнай падтрымкі.

Дзяніс Федзюк стаў валанцёрам Чырвонага крыжа ў 2015 годзе. Дзяніс працуе лекарам, а вольны час прысвячае Чырвонаму крыжу. Кажа, спачатку прайшоў уводны валанцёрскі інструктаж, а потым «зацягнула».

У каманду заўсёды прымаюць добраахвотнікаў. Калі вы вырашылі стаць валанцёрам Чырвонага крыжа, звяртайцеся па тэлефоне +375(29)8820477.

Чытайце таксама: «Отмороженные лица» и «дубак челлендж». Чем занимались гродненцы в сильный мороз?

Поделиться

Последние записи

«Интерьеры с Pinterest» и «цены как в Венеции». В Гродно открыли бутик-отель The Cult на месте снесенного исторического здания

В Гродно на Виленской, 37 открылся новый бутик-отель и ресторан The Cult - и вызвал…

2 апреля 2025

Гроздья цветов, зеркала и розовый мех. В Гродно появились весенние фотозоны

Пока сады только зацветают, в заведениях и магазинах Гродно подготовили весенние фотозоны. Часто это гроздья…

2 апреля 2025

Старинные подвалы в центре Гродно привлекают бизнес. Когда помещения можно использовать в коммерческих целях?

На Советской улице около 80% подвалов задействованы под бизнес, приводит статистику газета “Гродненская правда”. При…

1 апреля 2025

В Гродно откроется школа бариста — организаторы хотят, чтобы в заведениях варили качественный кофе

Владельцы гродненских кофеен «Крепкий белый» и «Крепкий черный» запускают школу бариста. Годом ранее организаторы уже…

1 апреля 2025

Гродненец создал точную копию Фарного костела в миниатюре — и печатает фигурки на 3D-принтере

Гродненец Игорь Опекун конструирует мебель для круизных лайнеров — создает прототипы через специальную программу. Игорь…

31 марта 2025

Блогер-историк Евгений Асноревский издал туристический гид по Гродно с авторскими маршрутами

Книга «Удивительный Гродно» Евгения Асноревского вышла в минском издательстве "Рифтур". Гид рассчитан и на туристов,…

31 марта 2025