Гродзенец заплаціў за дапамогу «адкасіць» ад войска. Яго ўсё роўна забралі - ён падаў у суд

Гродзенец звярнуўся ў прыватную фірму, якая павінна была дапамагчы «адкасіць» ад войска, але яго ўсё роўна выклікалі ў ваенкамат. Кампанія не змагла вярнуць грошы кліенту, бо рахунак фірмы заблакавалі. Справа скончылася ў судзе, паведаміла «Перспектыва».

Войска. Ілюстрацыйнае фота. Крыніца:

«Жыхар абласнога цэнтра знайшоў у інтэрнэце фірму, з якой заключыў дамову на аказанне інфармацыйных паслуг па адным з прапанаваных тарыфаў, канчатковым вынікам якіх з’яўлялася атрыманне ваеннага білета і вызваленне ад праходжання вайсковай службы ва Узброеных Сілах Рэспублікі Беларусь», — сказаў суддзя Кастрычніцкага раёна ў Гродне Дзмітрый Шанін.

Замоўца заплаціў 950 рублёў. Яму далі рэкамендацыі па зваротах у медустановы, каб камісія прызнала яго нягодны да тэрміновай службы ў войску. Але ў выніку хлопец усё роўна атрымаў позву ў ваенкамат.

Чытайце таксама: Як гродзенцы «касілі» ад войска

Якія былі ўмовы дамовы

Паводле ўмоваў дамовы, калі хлопец аплаціў паслугу, але патрапляў у войска, яму павінны былі вярнуць 50% ад усёй сумы. Калі замоўца запатрабаваў вернуць яму 475 рублёў, то фірма прызнала сваю неправату, але грошы не вярнула. Прычына — рахунак фірмы арыштавалі, пасля таго, як дзейнасцю кампаніі зацікавіліся праваахоўнікі.

У ліпені 2022 года сайты арганізацый, якія дапамагалі прызыўнікам атрымаць ваенны білет без службы ў войску, перасталі працаваць і недаступныя да гэтага часу. Гэта былі фірмы, якія дапамагалі знайсці легальныя спосабы не служыць, напрыклад, па стане здароўя. Тады Праўладныя Telegram-каналы пісалі, што «канторкі для ўхілістаў прыхлопнуць», а іх уладальнікі «добраахвотна» і «ўласнаручна» напісалі заявы аб ліквідацыі кампаній. Пазней сілавікі выклалі пакаянныя відэа з кіраўнікамі некаторых з іх.

Гродзенец звярнуўся ў Гродзенскае абласное таварыства абароны правоў спажыўцоў, падманутых на прэзентацыях. У яго была дамова і квіток аб аплаце. Прадстаўнік таварыства падаў ў суд.

Што вырашыў суд

Суд Кастрычніцкага раёна ў Гродне вырашыў, што фірма павінна вярнуць гродзенцу 50% усёй сумы, а таксама кампенсаваць маральную шкоду 200 рублёў. Акрамя гэтага фірма павінна аплаціць таварыству абароны правоў спажыўцоў 1,5 тыс. рублёў як кампенсацыю за аказанне дапамогі спажыўцу.

Чытайце таксама: Новыя правілы адтэрміноўкі ад войска ў Беларусі: студэнты замежных ВНУ больш яе не атрымаюць

Калі хлопец зможа атрымаць свае грошы невядома. Намеснік старшыні суда Кастрычніцкага раёна ў Гродне Ксенія Стасюкевіч тлумачыць гэта тым, што ў фірмы «сумнеўная рэпутацыя».

Поделиться

Последние записи

В центре Гродно закрылся магазин спорттоваров, который проработал более 30 лет

Гродненцы обратили внимание, что со здания по улице Ожешко, 42 пропала вывеска «Спорттовары». Instagram-аккаунт магазина…

28 апреля 2025

Фильм на китайском расскажет про Гродно и его «инвестиционную привлекательность»

Имиджевый фильм об инвестиционной привлекательности Гродно задумали в горисполкоме. На него потратят бюджетные деньги. Видео…

28 апреля 2025

В Гродно появился американский десерт — печенье с разными начинками

В Гродно начали продавать «крамбл кукис» — американское печенье с различными добавками и сладкими топпингами.…

28 апреля 2025

Недвижимость недели: в Гродно продают дом с ажурным балконом в 60 метрах от Нёмана

В Гродно на продажу выставлен дом на 2-м Подольном переулке - по соседству с рестораном…

26 апреля 2025

Школьники из Гродно попали под профилактику за «зигование» и нацистскую символику

Милиция Гродненской области мониторила интернет и обеспокоилась “нацизмом” среди школьников. Они “зигуют”, слушают музыку Третьего…

25 апреля 2025

В Гродно провели белорусско-польский форум для бизнесменов. Говорили о важности России

Диалоговая площадка для бизнесменов из Беларуси и Польши прошла в Гродно 25 апреля. Местные власти…

25 апреля 2025