Прывіды Старога Замка: пра якія полтэргейсты 100 гадоў таму пісалі гродзенскія газеты

Стэфан Баторый. Малюнак І. Кебеца

Многія чулі пра Чорную Панну Нясвіжа ды Белую Даму з Гальшанаў, а вось пра прывідаў гродзенскіх замкаў не вядома нічога. Гэта дзіўна, бо як-ніяк у Старым замку памёр сам Стэфан Баторый. Няўжо ягоны прывід не ходзіць па замкавых калідорах ды не просіць, каб яму налілі келіх добрага такайскага віна? Тым больш, што і старая частка замка ў чаканні аднаўлення выглядае цяпер рамантычна, зусім для прывідаў… Аказваецца, не так даўно, усяго 100 гадоў таму, у замку дзіўных зданяў было яшчэ поўна. Пра іх напісаў канал «Hrodna 11:27».

У пачатку 1920-х гг. адна з гродзенскіх газет апублікавала артыкул «Таямніцы Гродзенскага Замку». Стары замак тады нават яшчэ не быў музеем, ім валодалі спачатку расійскія, а пасля польскія вайскоўцы, тут былі афіцэрскі клуб, гатэль для камандзіровачных афіцэраў, сталоўка і розныя іншыя інстытуцыі. Замак тады выглядаў не самым лепшым чынам, ды і ягоныя тагачасныя жыхары — камандзіровачныя ды халастыя польскія афіцэры — пасля вясёлай вячэры маглі пабачыць што заўгодна.

Артыкул можа быць цікавы і сучаснаму чытачу. Публікуем яго цалкам. А ўжо кожны няхай сам робіць высновы, што ў ім праўда, а што — спараджэнне салдацкай п’янай фантазіі.

«Таямніцы Гродзенскага Замку»

«Наш Гродзенскі Стары Замак, таксама як і іншыя помнікі даўняга мінулага, закрывае ад нас таямнічай мглой праявы патустаронняга жыцця, якія пульсіруюць у ягоных мурах. Свет прывідаў, духаў для нас недаступны. Яго могуць бачыць толькі адзінкі. Але ўсялякая звязаная з яго з’яўленнем праява з часам акружаецца легендамі, кожная з якіх больш неверагодная за папярэднія.

Некалькі дзён таму па горадзе разышлася гісторыя, што палкоўнік Н., які жыў у афіцэрскіх пакоях на Старым замку, прачнуўся пасярод ночы і пабачыў у дзявярах вялізную постаць у рыцарскіх даспехах, якая растварылася ў паветры пасля таго, як палкоўнік разбудзіў сваіх таварышаў.

Мы звярнуліся непасрэдна да самога пана палкоўніка, каб даведацца пра некаторыя падрабязнасці. Ён праясніў, што рыцара не бачыў, але і ён і яго калегі ўсе ўчатырох прачнуліся ноччу ад таго, што іх быццам бы нехта душыў. Уражаныя такім патустароннім эксперыментам, усе афіцэры проста пасярод ночы пакінулі гасцінныя пакоі Дома Афіцэра.

У сувязі з гэтым з замка тэрмінова выселіўся і ўладальнік буфета пры Доме Афіцэра, які паведаміў, што толькі цудам выратаваўся ад смерці шляхам задушэння. Ён бачыў нейкую надзвычайную істоту, якая падыйшла да яго і паклала яму руку на вусны, каб задушыць.

У сувязі з гэтым мы сабралі звесткі пра падобныя гісторыі ў далёкім і бліжнім мінулым. Замкавы стораж, які жыве ў браме, апавядае, што некалькі месяцаў таму перад ім з’явіўся нейкі рыцар і засведчыў, што ў Замку схаваны скарб, пасля чаго ўзяў яго за руку і завёў у замкавыя падвалы, паказваючы дакладнае месца, дзе быццам ляжыць скарб.

Стораж, прачнуўшыся, пачаў пошукі скарбу ва ўказаным месцы, аднак змушаны быў спыніць пошукі, паколькі грунт пад нагамі пачаў вагацца і асыпацца.

Афіцыянт у сталоўцы Дома Афіцэра расказаў такі факт, што ў расійскія часы тром афіцэрам нейкая постаць перайшла дарогу на замкавых прыступках і не ўпусціла іх унутр будынка. Афіцэры з аголенымі шаблямі хацелі прабіцца ўнутр, але нічога не ўдавалася, пакуль не збеглася замкавая служба і пасля паднятага гучнага крыку істота з патустаронняга свету знікла.

Прыхільнікі акультызму маюць план арганізаваць у Замку сеанс, каб здабыць у старых руінаў іх таямніцы".

Чытайце таксама: На Савецкай спалілі ведзьмака, у Пышках скача вершнік без галавы. Містычныя месцы Гродна, пра якія вы нават не ведалі

Поделиться

Последние записи

Три Беловежские пущи. Как ограждения на границе меняют лес и животный мир в Беларуси, Польше и между заборами

Беловежская пуща сегодня разделена на две, а на самом деле на три части: белорусскую, польскую…

31 марта 2025

«Тренд — качалочка, здоровье». Задали одни и те же вопросы металлистам из Беларуси и Польши

Уже несколько десятилетий метал-музыка объединяет людей не только одних музыкальных пристрастий, но и схожего мировоззрения.…

26 марта 2025

В гродненском ТРК развелись тараканы. Куда обращаться, если заметили насекомых в кафе или у себя дома

В ТРК Triniti гродненцы заметили таракана — насекомое бегало по дивану в зоне фуд-корта. Hrodna.life…

26 марта 2025

«Возможно, будет и новый материал». Вокалист группы Ulis Слава Корень рассказал, как эмиграция не дает ему писать

Белорусская группа Ulis просуществовала более 20 лет. Ее наследие живет - музыканты делают каверы, а…

20 марта 2025

«Моя земля — что хочу, то и делаю». Съездили в польскую деревню у границы с Беларусью, куда староста приглашает жить всех желающих

В 500 метрах от забора, возведённого на польской стороне границы с Беларусью, стоит деревня Озераны…

17 марта 2025

«Я бы сделала это и бесплатно». Слонимчанка снялась в фильме, который получил пять «Оскаров»

Белоруска Мария Тычинская сыграла эпизодическую роль в фильме «Анора», который получил «Золотую пальмовую ветвь» Каннского…

14 марта 2025