Полезное

Лагман са свініны. Страва і на першае, і на другое

Звычайна лагман гатуюць з бараніны. Але хто ж забароніць паэксперыментаваць са складнікамі гэтага сярэднеазіяцкага рэцэпта? Заменім бараніну на свініну і спецыяльную лапшу на пасту з супермаркета. Часу на прыгатаванне ў такім выпадку пойдзе значна менш. А смак ўсё роўна атрымаецца яркім і насычаным. Агулам, лагман — ідэальная страва для выхаднога дня, лічыць аўтарка Telegram-канала «Тётя Ира разрешила». Хочаш — будзе першае, а хочаш — другое. Залежыць толькі ад абранай колькасці бульёну ў талерцы.

Неабходныя складнікі для лагмана са свініны

Свініна — 500 г

Салодкі перац — 2 шт

Цыбуля — 2 шт

Салера — ¼ невялікага кораня

Кансерваваныя памідоры ва ўласным соку — 200 г

Алей — 50 мл

Часнык — 2 зубчыкі

Зеляніна пятрушкі - 50 г

Меленая папрыка — 1 чайная лыжка

Востры чырвоны перац і соль — на смак

Неабходныя прадукты для лагмана са свініны

Як гатуем лагман са свініны

Мяса мыем і кроім на кубікі ці палоскі.

У рондалі з тоўстым дном альбо ў глыбокай патэльні разаграваем алей. Абсмажваем на ім свініну да румянай скарыначкі. Солім, дадаём папрыку і востры чырвоны перац.

Абсмажваем мяса

Падрыхтуем гародніну для лагмана.

Перац мыем, чысцім ад насення і кроім саломкай. Корань салеры чысцім і таркуем на буйной тарцы. Цыбулю чысцім і рэжам паўколцамі.

Рыхтуем гародніну для лагмана са свініны

Дадаём гародніну да мяса і 3 — 5 мінут абсмажваем на вялікім агні.

Кансерваваныя памідоры размінаем відэльцам ці здрабняем блэндарам.

Памідоры ва ўласным соку размяць да аднароднай масы

Дадаём атрыманую пасту да мяса з гароднінай. Заліваем сюды ж бульён ці ваду і даводзім да кіпення. Пасля змяншаем агонь і тушым 40 мінут.

Дадаём гародніну да мяса і тушым

Калі да гатоўнасці мяса застанецца хвілін 15, ставім варыцца лапшу. Яе гатуем па інструкцыі на ўпакоўцы.

Гатуем лапшу

А мы тым часам пачысцім і прапусцім праз прэс часнык і пакрышым зеляніну.

Рыхтуем зеляніну і часнык для лагмана са свініны

Іх трэба дадаць да мяса за 5 хвілін да гатоўнасці. Можна трошкі зеляніны пакінуць свежай, для падачы.

Дадаць зеляніну і тушыць яшчэ 5 хвілін

У талеркі спачатку кладзём лапшу, а пасля мяса з гароднінай і пажаданай колькасцю бульёну. Трошкі зеляніны зверху — і можна пачынаць.

Лагман са свініны
Лагман са свініны

Смачна есці!

Поделиться

Последние записи

«Будет капать на головы» — что гродненцы думают о новых цветочных арках на Советской

Гродненцы не оценили новые конструкции для цветов на Советской. В апреле на пешеходной улице установили…

24 апреля 2025

Студента из Гродно будут судить за сообщения в «Беларускі Гаюн»

Три преступления за “экстремизм” возбудили против подростков в Гродненской области в 2024 году. В том…

24 апреля 2025

На кладбище в Гродно появилась плита российского солдата, который воевал против Украины

Плита Ведника Леонида Анатольевича, который, вероятно, погиб на войне против Украины, появилась в колумбарии на…

23 апреля 2025

Как будет выглядеть столетний дом в стиле конструктивизма на Мицкевича после перестройки: проект

Деревянное здание в стиле конструктивизма 1930-х на Мицкевича, 1 в Гродно перестроят в трехэтажную гостиницу с рестораном…

23 апреля 2025

В Гродно можно сделать снимок радужки глаза — услуга нравится парам

Макроснимок радужки глаза можно сделать в Гродно на ул. Буденного. Влюбленным предлагают сделать парное фото.…

23 апреля 2025